(( هون على قلبك ))
هون على قلبك واِذكر الميعاد
اِذكر دروب ملّتك وملّيتها
أرسم بقايا
و أللملم أشتات
وعيني على خط النهاية
ما عينتها ؟؟
أشد شدادي و العزايم شداد
وأسوق خطوتي في كل الجهات
لا لَفَت يمّي ولا لِفِيت يمّها
واعيد الكرة مرة ومرات
وعيني على خط النهاية
ما عينتها ؟؟
كل ما قلت هانت جدّت علوم اجداد
تعيد نفس الحكاية و تغير توقيتها
تلفي بيارق أمل !!
تمر من حولي و تغيب بسكات
وعيني صوبها .. وصوتي يشكي لها ..
لاجاوبت ؟!
ولا انطقت بس أكيد غابت
مثل غيرها
بقييت خالي الفكر محروم السهاد
كني وحيد وعبرتي اخفيتها
الهم راكز فقلبي اوتادا
ناصب خيام الهموم على كيفها
وكثر ما طحت اقوم
واقوي نفسي بالعزوم
وعيني على خط النهاية
ما عينتها
وادور مخرج طريقي
ما لقيت ؟؟
وان صحت اوشكيت
قسمتك وانته رضيتها
انت سلكت درب الشوك ماحد حدك
دوبك صحيت .. دوبك صحيت
وين قولك : الطموح جبال
و العزايم ثقال
هدتك ظروف الحياة وورّتك غيبها
غارت نجوم كان ودّك تطولها
وانمحت صورة في خيالك رسمتها
وبقت كلمة صداها داخل الأعماق
المعالي ماهو بالمنى تنولها
المعالي ماهو بالمنى تنولها
ليست هناك تعليقات:
إرسال تعليق